ອົງການກາແດງລາວ

CROIX ROUGE LAO

ເຊື່ອມຊຶມພາລະບົດບາດຂອງຂະບວນການກາແດງກົດໝາຍໃຫ້ແກ່ພະນັກງານແລະອາສາສະໝັກກາແດງ

#ເຊື່ອມຊຶມພາລະບົດບາດຂອງຂະບວນການກາແດງກົດໝາຍໃຫ້ແກ່ພະນັກງານແລະອາສາສະໝັກກາແດງເພື່ອເປັນການເສື່ອມຊຶມພາລະບົດບາດຂອງຂະບວນການກາແດງ ແລະ ບາງກົດໝາຍທີ່ຈຳເປັນຕໍ່ພະນັກງານ,
ໃນວັນທີ 29-30ກໍລະກົດ2021ນີ້ອົງການກາແດງລາວໄດ້ຈັດພິທີເຜີຍແຜ່ ໃຫ້ແກ່ພະນັກງານກາແດງສູນກາງ;ກາແດງນະຄອນຫຼວງວຽງຈັນ ແລະ ອາສາສະໝັກກູ້ໄພເຂົ້າຮ່ວມຢ່າງພ້ອມພຽງ.ເພື່ອທົບທວນຄືນພາລະບົດບາດຂອງຂະບວນການກາແດງສາກົນ; ກົດໝາຍມະນຸດສະທຳສາກົນ; ກົດໝາຍວ່າດ້ວຍວຽກງານກາແດງລາວ ແລະ ກົດໝາຍກ່ຽວກັບລັດຖະກອນ ໃຫ້ແກ່ພະນັກງານແລະອາສາສະໝັກເພື່ອນຳໄປເຜີຍແຜ່ແລະ ເປັນບ່ອນອີງໃນການຈັດຕັ້ງປະຕິບັດໜ້າທີ່ວຽກງານມະນຸດສະທຳຂອງຕົນໃຫ້ມັນສອດຄ່ອງກັບສະພາບຄວາມເປັນຈິງ.ໂດຍການເປັນປະທານຂອງທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ,ທ່ານ ຮສ ດຣ ສິງ ເມໂນລາດ ຮອງປະທານອົງການກາແດງລາວ; ຫົວໜ້າ; ຮອງຫ້ອງການ; ຫົວໜ້າ; ຮອງກອງ ;ຫົວໜ້າ; ຮອງສູນ ແລະ ຫົວໜ້າ; ຮອງອົງການກາແດງນະຄອນຫຼວງພ້ອມດ້ວຍພະນັກງານ ແລະ ອາສາສະໝັກກູ້ໄພ ( ກາແດງສູນກາງ ) ເຂົ້າຮ່ວມຢ່າງພ້ອມພຽງ.ໃນການເຊື່ອມຊຶມຄັ້ງນີ້ ທ່ານ ຮສ ດຣ ພູທອນ ເມືອງປາກ ຍັງໃຫ້ກຽດ ຂຶ້ນເຜີຍແຜ່ ກົດໝາຍວ່າດ້ວຍວຽກງານກາແດງລາວທ່ານໄດ້ຊີ້ໃຫ້ເຫັນຄວາມໝາຍຄວາມສຳຄັນຂອງກົດໝາຍດັ່ງກ່າວວ່າເປັນກົດໝາຍທີ່ສຳຄັນ; ກະທັດຫັດ; ຄົບຖ້ວນ; ຈະແຈ້ງ; ເຂົ້າໃຈງ່າຍ ແລະ ກຳນົດ 09 ໜ້າວຽກຕົ້ນຕໍຂອງອົງການກາແດງລາວ ໂດຍສະເພາະມາດຕາ19:ອົງການກາແດງລາວແມ່ນການຈັດຕັ້ງທາງສັງຄົມຂອງ ສ ປ ປ ລາວ ທີ່ເຄື່ອນໄຫວວຽກງານມະນຸດສະທຳ ຢ່າງເປັນເອກະລາດ ຢູ່ພາຍໃຕ້ ລັດຖະທຳມະນູນ, ກົດໝາຍ ແລະ 07 ຫຼັກການພື້ນຖານຂອງຂະບວນການກາແດງສາກົນ ຊຶ່ງ ບົ່ງບອກທີ່ຕັ້ງທີ່ຊັດເຈນຂອງອົງການກາແດງລາວ.ຈາກນັ້ນ ທ່ານ ພອນຄຳ ແກ້ວວິໄລ ຫົວໜ້າກອງໂຄສະນາ ແລະ ຂົນຂວາຍການກຸສົນ ໄດ້ນຳສະເໜີ ປະຫວັດຂອງຂະບວນການກາແດງສາກົນ ເຄື່ອງໝາຍມະນຸດສະທຳ; 07 ຫຼັກການພື້ນຖານຂອງຂະບວນການກາແດງສາກົນ ແລະ ກົດໝາຍມະນຸດສະທຳສາກົນ.ທ່ານຄຳມີຈັນສະໝອນຫົວໜ້າພະແນກຈັດຕັ້ງອົງການກາແດງລາວໄດ້ນຳສະເໜີ:ໂຄງຮ່າງການຈັດຕັ້ງ ; ກົດໝາຍກ່ຽວກັບລັດຖະກອນ ແລະ ຕາງໜ້າ ແຕ່ລະກອງ,ສູນ ຂຶ້ນນຳສະເໜີ ພາລະບົດບາດໜ້າວຽກຂອງຕົນ ເຮັດໃຫ້ຜູ້ເຂົ້າຮ່ວມຮັບຮູ້; ພູມໃຈ; ເຂົ້າໃຈແຈ້ງ ແລະ ເປັນບົດຮຽນອັນລ້ຳຄ່າທີ່ຈະນຳໄປເຜີຍແຜ່ ແລະ ນຳໃຊ້ເຂົ້າໃນການປະຕິບັດວຽກງານຂອງຕົນໃນຕໍ່ໜ້າ.ຊຸດອົບຮົມໃນຄັ້ງນີ້ແມ່ນໄດ້ດຳເນີນໄປເປັນເວລາ 02 ວັນ ແລະໄດ້ຮັບທຶນສະໜັບສະໜູນຈາກ ສະຫະພັນກາແດງ ແລະ ຊີກວົງເດືອນແດງສາກົນ.
อาจเป็นรูปภาพของ 2 คน, ผู้คนกำลังยืน และสถานที่ในร่มอาจเป็นรูปภาพของ 3 คน, ผู้คนกำลังนั่ง และผู้คนกำลังยืนอาจเป็นรูปภาพของ หนึ่งคนขึ้นไป, ผู้คนกำลังนั่ง และผู้คนกำลังยืนอาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และสถานที่ในร่ม