ອົງການກາແດງລາວ

CROIX ROUGE LAO

ເຊື່ອມຊຶມ ວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວ

ອົງການກາແດງລາວ ເຊື່ອມຊຶມ ວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວ.ໃນວັນທີ 20 ພະຈິກ2018ນີ້. ບັນດາ ພະນັກງານ – ລັດຖະກອນ ອົງການກາແດງລາວ ໄດ້ຮັບພັງ , ຮຽນຮູ້ ແລະ ເຊື່ອມຊຶມ ກ່ຽວກັບວັນສ້າງຕັ້ງເມືອງວຽງໄຊ-ຖານທີ່ໝັ້ນ ຂອງການປະຕິວັດລາວ ຄົບຮອບ 50 ປີ (30 ພະຈິກ 1968-30 ພະຈິກ 2018) ເພື່ອເສີມຂະຫຍາຍມູນເຊື້ອແຫ່ງການຊີ້ນໍາ-ນຳ ພາຮອບດ້ານຂອງພັກ, ມູນເຊື້ອຕໍ່ສູ້ພິລະອາດຫານຂອງກອງທັບ ແລະ ປະຊາຊົນລາວບັນດາເຜົ່າ ແລະ ມູນເຊື້ອດຸໝັ່ນຂະຫຍັນພຽນ ໃນການອອກແຮງງານສ້າງສາພັດທະນາຊີວິດການເປັນຢູ່ຂອງປະຊາຊົນລາວ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດ.
ໃຫ້ກຽດປາຖະກະຖາຄັ້ງນີ້, ໂດຍ ທ່ານ ຄຳຮຸ່ງເຮືອງວົງສີ ປະທານອົງການກາແດງລາວ ໄດ້ບັນລະຍາຍກ່ຽວກັບຄວາມໝາຍຄວາມສຳ ຄັນຂອງການສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວ, ເມືອງວຽງໄຊ-ສູນກາງການຊີ້ນຳຂອງພັກ ຕໍ່ພາລະກິດຕໍ່ສູ້ກູ້ຊາດຕ້ານລັດທິລ່າເມືອງຂຶ້ນແບບເກົ່າ ແລະ ແບບໃໝ່, ປົດປ່ອຍປະເທດຢ່າງສົມບູນ ແລະ ການສືບຕໍ່ເສີມຂະຫຍາຍມູນເຊື້ອວິລະຊົນເມືອງວຽງໄຊ-ຖານທີ່ໝັ້ນ ຂອງການປະຕິວັດລາວໃນພາລະກິດປະຕິວັດຕະຫລອດໄປ.