ອົງການກາແດງລາວ

CROIX ROUGE LAO

ເຜີຍແຜ່ ສອງເອກະສານສຳຄັນຂອງວຽກງານອາສາສະໝັກກາແດງ.

ໃນວັນທີ 22 ກໍລະກົດ 2022ນີ້ ອົງການກາແດງແຫ່ງຊາດລາວໄດ້ຈັດກອງປະຊຸມເຜີຍແຜ່ຂໍ້ຕົກລົງວ່າດ້ວຍການຄຸ້ມຄອງອາສາສະໝັກກາແດງ, ກົດລະບຽບອາສາສະໝັກກາແດງ ຂຶ້ນ.
ໂດຍເປັນກຽດເຂົ້າຮ່ວມແລະເຜີຍແຜ່ຂອງທ່ານ ຮສ ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວ, ມີ ຫົວໜ້າຫ້ອງການ, ຫົວໜ້າກອງ, ຮອງກອງ, ຫົວໜ້າກາແດງແຂວງ, ພະນັກງານ ແລະ ຕົວແທນອາສາສະໝັກ ເຂົ້າຮ່ວມທັງໝົດ 191ຄົນ,ຍິງ 79 ຄົນ; ການຈັດກອງປະຊຸມເຜີຍແຜ່ແບບອອນລາຍໃນຄັ້ງນີ້ ພາຍໃຕ້ການສະໝັບສະໜູນຈາກສະຫະພັນກາແດງ ແລະ ຊີກວົງເດືອນແດງສາກົນ(IFRC). ຈຸດປະສົງ ແມ່ນສ້າງຄວາມເຂົ້າໃຈເປັນເອກະພາບກ່ຽວກັບເນື້ອໃນ 2 ເອກະສານດັ່ງກ່າວ ແລະ ບັນດາເອກະສານສະໜັບສະໜູນ ເພື່ອຈະນຳເອົາເນື້ອໃນຈິດໃຈດັ່ງກ່າວ ໄປ ຈັດຕັ້ງ ປະຕິບັດໃນວຽກງານ ອາສາສະໝັກກາແດງ.