ອົງການກາແດງລາວ

CROIX ROUGE LAO

ແຂວງອຸດົມໄຊ ໃຫ້ຄວາມສຳຄັນໃນວຽກງານຄຸ້ມຄອງຄວາມສ່ຽງໄພພິບັດ.

ແຂວງອຸດົມໄຊ ໃຫ້ຄວາມສຳຄັນໃນວຽກງານຄຸ້ມຄອງຄວາມສ່ຽງໄພພິບັດ.
ໃນລະຫວ່າງວັນທີ 26 – 29 ກໍລະກົດ 2021 ອົງການກາແດງລາວໄດ້ຈັດຝຶກອົມຮົມກ່ຽວກັບ ການຄຸ້ມຄອງຄວາມສ່ຽງໄພພິບັດ ໃຫ້ແກ່ ກອງເລຂາຄະນະກຳມະການຄຸ້ມຄອງໄພພິບັດຂຶ້ນ ທີ່ເມືອງ ໄຊ ແຂວງ ອຸດົມໄຊ ການຝຶກອົບຮົມໃນຄັ້ງນີ້ ກໍ່ເພື່ອແນໃສ່ສ້າງຄວາມເຂັ້ມແຂງ ໃນການປະຕິບັດໃນການຮັບມືກັບໄພພິບັດ ໄດ້ຢ່າງປອດໄພ ແລະ ມີປະສິດທິພາບ, ທັນເຫດການ; ນອກຈາກນັ້ນ; ນັກສຳມະນາກອນຍັງໄດ້ຮຽນຮູ້ເຖິງຂະບວນການກາແດງ, ກົດໝາຍວ່າດ້ວຍກາແດງລາວ, ການຄຸ້ມຄອງໄພພິບັດ , ຄວາມສ່ຽງທີ່ເກີດຈາກໄພພິບັດທາງທຳມະຊາດ ແລະ ມະນຸດສ້າງຂຶ້ນ, ການປົກປ້ອງໃນການໃຊ້ຄວາມຮຸນແຮງທາງເພດໃນເວລາເກີດເຫດສຸກເສີນ, ການປະເມີນຄວາມສ່ຽງໃນເຫດການຕ່າງໆ, ຄວາມຕ້ອງການພາຍຫຼັງເກີດໄພພິບັດ, ຄວາມຮູ້ພື້ນຖານໃນການປ້ອງກັນອັກຄີໄພ, ຫຼັງຈາກນັ້ນ, ຍັງໄດ້ຈຳລອງເຫດການໃນການຝຶກຊ້ອມຮັບມື ໃນເວລາເກີດເຫດການສຸກເສີນ, ການວິເຄາະຂໍ້ມູນ ແລະ ການລາຍງານຂໍ້ມູນ, ສຳລັບວຽກງານດັ່ງກ່າວນີ້ ແມ່ນເຫັນໄດ້ວ່າ ມີຄວາມສຳຄັນຫຼາຍ ເພາະວ່າໃນໄລຍະຜ່ານມາແຂວງອຸດົມໄຊ ແມ່ນພົບກັບເຫດການໄພພິບັດເກີດຂຶ້ນເລື້ອຍໆ ເປັນຕົ້ນແມ່ນ ດິນເຈື່ອນ, ນ້ຳຊຸຖັ່ງ ແລະ ອື່ນໆ ເຊິ່ງເປັນສິ່ງທີ່ທ້າທາຍ ແລະ ຈະຕ້ອງໄດ້ແກ້ໄຂຢ່າງຮີບດ່ວນ.
ການຝຶກອົບຮົມໃນຄັ້ງນີ້ ໃຫ້ກຽດເຂົ້າຮ່ວມໂດຍທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ, ທ່ານ ນາງ ບຸນທອນ ພິມມະວົງ ຫົວໜ້າອົງການກາແດງແຂວງ ອຸດົມໄຊ ພ້ອມດ້ວຍພະນັກງານວິຊາການພະແນກການອອ້ມຂ້າງທີ່ກ່ຽວຂ້ອງເຂົ້າຮ່ວມ 25 ທ່ານ ຍິງ 6 ທ່ານ.
ໃນຕອນທ້າຍ, ທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ ກໍ່ໄດ້ໃຫ້ກຽດໂອ້ລົມນັກສຳມະນາກອນ ທ່ານຍັງໄດ້ເນັ້ນວ່າ: ວຽກງານໄພພິບັດຖືວ່າເປັນວຽກງານໜຶ່ງທີ່ສຳຄັນ ທີ່ຈະຕ້ອງຮ່ວມແຮງຮ່ວມໃຈກັນ ໃນການແກ້ໄຂບັນຫາ ສິ່ງທີ່ສຳຄັນທີ່ສຸດ ກໍ່ແມ່ນການແລກປ່ຽນຂໍ້ມູນຂ່າວສານເຊິ່ງກັນ ແລະ ກັນ ເພື່ອເປັນການສ້າງຄວາມເຂັ້ມແຂງໃນວຽກງານດັ່ງກ່າວນີ້ ໃຫ້ມີປະສິດທິພາບ ພ້ອມດຽວກັນນັ້ນ ທ່ານຍັງໄດ້ເນັ້ນໃຫ້ນັກສຳມະນາກອນ ຈົ່ງໄດ້ເປັນກະບອກສຽງໃນການປຸກລະດົມຂົນຂວາຍການບໍລິຈາກເລືອດ, ການສ້າງອາສາສະໝັກກາແດງ ພ້ອມທັງ ນຳສະເໜີວຽກງານກາແດງ ໃຫ້ສັງຄົມຮັບຮູ້ ແລະ ເຂົ້າໃຈຂຶ້ນຕື່ມ ເພື່ອໃຫ້ມີຄວາມເຂັ້ມແຂງ ຂຶ້ນເລື້ອຍໆ.
อาจเป็นรูปภาพของ 1 คน, กำลังยืน และสถานที่ในร่มอาจเป็นรูปภาพของ 1 คน, กำลังยืน และสถานที่ในร่มอาจเป็นรูปภาพของ 4 คนอาจเป็นรูปภาพของ 2 คน และผู้คนกำลังยืนอาจเป็นรูปภาพของ 5 คน, ผู้คนกำลังนั่ง และผู้คนกำลังยืนอาจเป็นรูปภาพของ 1 คน, กำลังยืน และสถานที่ในร่มอาจเป็นรูปภาพของ 2 คน, ผู้คนกำลังยืน, ผู้คนกำลังนั่ง และสถานที่ในร่มอาจเป็นรูปภาพของ 1 คน, กำลังยืน และสถานที่ในร่มอาจเป็นรูปภาพของ 2 คน, ผู้คนกำลังยืน, ผู้คนกำลังนั่ง และสถานที่ในร่มอาจเป็นรูปภาพของ 1 คน, กำลังยืน และกลางแจ้งอาจเป็นรูปภาพของ 2 คน และผู้คนกำลังยืนอาจเป็นรูปภาพของ 1 คน และกำลังยืนอาจเป็นรูปภาพของ 2 คน และผู้คนกำลังยืน