ອົງການກາແດງລາວ

CROIX ROUGE LAO

ແຂວງ ບໍ່​ແກ້ວ ໄດ້​ຮັບ​ຜົນ​ກະ​ທົບ​ຈາກ​ພາ​ຍຸ​ໂຄ​ກຸ​ມະ.

ອີງ​ຕາມ​ການ​ລາຍ​ງານໄດ້​ໃຫ້​ຮູ້​ວ່າ ໃນ​ວັນ​ທີ 14 ມິ​ຖຸ​ນາ 2021 ເວ​ລາ 14:00 ໂມງ ໄດ້​ເກີດ​ມີ​ລົມ​ພາ​ຍຸ​ພັດ​ແຮງ ເຊິ່ງ​ມາ​ຈາກພາ​ຍຸ​ທີ່​ມີ​ຊື່​ວ່າ ໂຄ​ກຸ​ມະ ​ເຮັດ​ໃຫ້​ເກີ​ດຝົນ​ຕົກ​ໜັກ, ນ້ຳ​ປ່າ​ໄຫຼ​ຊຸ​ຢ່າງ​ຮຸນ​ແຮງ ເຮັດ​ໃຫ້​ເກີດ​ຄວາມ​ເສຍ​ຫາຍ​ຢ່າງຫຼວງຫຼາຍ​ຕໍ່​ຊີ​ວິດ ແລະ ຊັບ​ສິນ​ຂອງ​ພໍ່​ແມ່​ປະ​ຊາ​ຊົນ ໃນ 3 ເມືອງ ຄື: ເມືອງ ຜາ​ອຸ​ດົມ ໄດ້​ຮັບ​ຜົນ​ກະ​ທົບ​ຈຳ​ນວນ 2 ບ້ານ ໄດ້​ແກ່​ບ້ານ ໂຮມ​ສຸກ (ຂໍ້​ມູນບໍ່​ທັນ​ລະ​ອຽດ) ແລະ ບ້ານ ວຽງ​ພັດ​ທະ​ນາ ເຮັດ​ໃຫ້​ເຮືອນ​ຂອງ​ປະ​ຊາ​ຊົນ ໄດ້​ຮັບ​ຜົນ​ກະ​ທົບ ເປ່​ເພ​ເສຍ​ຫາຍ ຈຳ​ນວນ 2ຫຼັງ​ຄາ​ເຮືອນ ແລະ ຕູບ​ນ້ອຍ​ຕະຫຼາດ 10 ຫຼັງ; ເມືອງ ຫ້ວຍ​ຊາຍ ໄດ້​ຮັບ​ຜົນ​ກະ​ທົບ​ຈຳ​ນວນ 1 ບ້ານ ໄດ້​ແກ່​ບ້ານ​ທ່າ​ເພົາ ມີ​ປະ​ຊາ​ຊົນ​ໄດ້​ຮັບ​ຜົນ​ກະ​ທົບ 29 ຄອບ​ຄົວ, ມີ​ຈຳ​ນວນ​ພົນ 123 ຄົນ, ຍິງ 65 ຄົນ, ສັດ​ລ້ຽງ ເປັດ ໄກ່ ຕາຍ ແລະ ສູນ​ຫາຍ 455 ໂຕ, ໝູ 1 ໂຕ ແລະ ໂຮງ​ຮຽນ​ໄດ້​ຮັບ​ຜົນ​ກະ​ທົບ 2 ແຫ່ງ; ສຳ​ລັບ​ເມືອງ​ ປາກ​ທາ ໄດ້​ຮັບ​ຜົນ​ກະ​ທົບ 7 ບ້ານ ໄດ້​ແກ່ ບ​້ານ​ໃຫຍ່​ປາກ​ທາ, ບ້ານ​ຫາ​ດ​ສະ, ບ້ານ​ດົງ, ບ້ານ​ກ້ອນ​ຕື້ນ, ບ້ານ​ປາກ​ໂຊະ, ບ້ານ​ປາກ​ສາ ແລະ ບ້ານ​ແກ​້ງ​ພາກ ນ້ຳ​ໄດ້​ໄຫຼ​ສຸ​ເຂົ້າ​ເນື້ອ​ທີ່ ທຳ​ການ​ຜະ​ລິດ​ເປັນ​ຕົ້ນ​ແມ່ນ​ດິນ​ນາ ທີ່​ປະ​ຊາ​ຊົນ​ກຳ​ລັງ​ກະ​ກຽມ​ໃສ່​ເຂົ້າ​ກ້າ ເພື່ອ​ຜະ​ລິດ​ເຂົ້າ​ນາ​ປີ ໄດ້​ຮັບ​ຜົນ​ເສຍ​ຫາຍ​ຢ່າງ​ໜັກ​ຫນ່ວງ. ສະ​ນັ້​ນ, ທາງ​ອົງ​ການ​ກາ​ແດງ​ລາວ ຈຶ່ງ​ຂໍ​ເຊີນ​ຊວນ​ຜູ້​ທີ່​ມີ​ໃຈ​ບຸນ​ປະ​ກອບ​ສ່ວນ ໃຫ້​ການ​ຊ່ວຍ​ເຫຼືອ​ປະ​ຊາ​ຊົນ​ໃນ​ຄັ້ງ​ນີ້ ເປັນ​ຕົ້ນ​ແມ່ນ​ເຄື່ອງ​ອຸ​ປະ​ໂພກ-ບໍ​ລິ​ໂພກ ທີ່​ຈຳ​ເປັນ ສາ​ມາດ​ຕິດ​ຕໍ່​ໄດ້​ທີ່​ເບີ 020 5999 6059, 020 5689 8079.