ອົງການກາແດງລາວ

CROIX ROUGE LAO

ແປດບ້ານ ເມືອງທຸລະຄົມ ແຂວງ ວຽງຈັນໄດ້ຮັບອຸປະກອນປ້ອງກັນໄພພິບັດ

ໃນວັນທີ 04 ກັນຍາ 2020 ນີ້ ອົງການກາແດງແຂວງວຽງຈັນ ໄດ້ນຳເອົາອຸປ້ອງກັນໄພພິດໄປຊ່ວຍເຫລືອ ປະຊາຊົນ 08 ບ້ານທີ່ນອນໃນໂຄງການຫຼຸດຜ່ອນຄວາມສ່ຽງໄພພິບັດຊຸມຊົນຢູ່ທີ່ເມືອງທຸລະຄົມ ແຂວງວຽງຈັນ.
ໂດຍການເຂົ້າຮ່ວມຂອງທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ , ທ່ານ ບຸນເນົາ ພະຈອມພົນ ຫົວໜ້າອົງການກາແດງແຂວງວຽງຈັນ , ທ່ານນາງ ວົງເດືອນ ວັດຕະໂສ ເຈົ້າເມືອງທຸລະຄົມ , ພ້ອມດ້ວຍບັນດາແຂກຖືກເຊີນຈາກແຂວງ , ເມືອງ , ອາສາສະໝັກ ແລະ ພໍ່ແມ່ປະຊາຊົນເຂົ້າຮ່ວມ.
ໂຄງການດັ່ງກ່າວນີ້; ໄດ້ແນ່ໃສ່ສ້າງຄວາມເຂັ້ມແຂງໃຫ້ແກ່ຊົນຊົນ ກຸ່ມບ້ານເປົ້າໝາຍທີ່ໄດ້ຮັບຜົນກະທົບຈາກນ້ຳຖ້ວມ ແລະ ມີຄວາມສ່ຽງໄພພິບັດ, ເພື່ອເປັນການຂະຫຍາຍຕາໜ່າງອາສາສະໝັກກາແດງ, ໜ່ວຍປ້ອງກັນ ແລະ ຄວບຄຸມໄພພິບັດຂັ້ນບ້ານ ລົງສູ່ບັນດາບ້ານທີ່ມີຄວາມສ່ຽງສູງຕໍ່ໄພພິບັດ, ຮັບປະກັນໃຫ້ປະຊາຊົນໄດ້ຮັບການຊ່ວຍເຫຼືອໃນພາວະສຸກເສີນ ແລະ ສາມາດບໍລິຫານຈັດການ ເພື່ອຮັບມືກັບໄພພິບັດ, ຫຼຸດຜ່ອນການເສຍຫາຍທາງດ້ານຊີວິດ ແລະ ຊັບສິນ , ຂະຫຍາຍອາສາສະໝັກໄດ້ 56 ຄົນ , ຝຶກອົບຮົມອາສາສະໝັກໄດ້8 ບ້ານ ປະກອບມີບ້ານເປົ້າໝາຍຄື: ບ້ານຕານປ່ຽວ, ບ້ານໂພນແພງ,ບ້ານ ສຸກສາລາ, ບ້ານຫາດສວນ, ບ້ານຈຸ້ມ, ບ້ານ ແຈ້ງ, ລິ່ງຊັນ ແລະ ບ້ານຫາດສ້ຽວ ເມືອງທຸລະຄົມ ແຂວງວຽງຈັນ.
ນອກນັ້ນຍັງໄດ້ມອບອຸປະກອນເຕືອນໄພລ່ວງໜ້າເຊິ່ງປະກອບມີ: ຈັກເຮືອ 13 ແຮງມ້າ 4ເຄື່ອງ, ເຮືອເຫຼັກຈຳນວນ 4 ລຳ, ເສື້ອຊູຊີບ 28 ຜືນ, ກົງເບັງ 8 ກົງ, ເຊືອກ 4 ກໍ້, ປາກເລີ 16 ອັນ , ແອັມ 250 W 4 ໜ່ວຍ, ສາຍໄຟປາກເລີ 4 ກໍ້, ໄມໂຄໂຟນ 4 ອັນ, ວິທະຍຸ 4 ໜ່ວຍ, ຫີບຢາປະຖົມພະຍາບານປະຈຳບ້ານ 4 ໜ່ວຍ ແລະ ເງິນເພື່ອເປັນກອງທຶນໃຫ້ 4 ບ້ານ, ບ້ານລະ 1.000.000 ກີບ ລວມມູນຄ່າທັງໝົດ 86.780.000 ກີບ ໂດຍການສະໜັບສະໜູນຈາກສະພາກາແດງຈີນ.