ອົງການກາແດງລາວ

CROIX ROUGE LAO

ໃນ 15 ປີ ຜ່ານມາອົງກາແດງເຢຍລະມັນໄດ້ໃຫ້ການພັດທະນາ ແລະ ຊ່ວຍເຫລືອວຽກງານເລືອດຢ່າງຫລວງຫລາຍ

​ໃນວັນ​ທີ 28 ມິ​ຖຸ​ນາ 2021 ທີ່ ສູນ​ເລືອດ​ແຫ່ງ​ຊາດ​ອົງ​ການ​ກາ​ແດງ​ລາວ​ໄດ້​ຈັດ​ກອງ​ປະ​ຊຸມ ສະຫຼຸບຕີລາການຊ່ວຍເຫລືອແລະການພັດທະນາເລືອດໃນ​ໂຄງ​ການ​ສ້າງ​ຄວາມ​ເຂັ້ມ​ແຂງ ໃຫ້​ແກ່​ການ​ບໍ​ລິ​ການ​ເລືອດ​ຢູ່​​ ສ​ປ​ປ ລາວ ໂດຍ​ການຊ່ວຍເຫລືອ​​ຂອງ​ລັດ​ຖະ​ບານ​ເຢຍ​ລະ​ມັນ ຜ່ານ ອົງ​ການ​ກາ​ແດງ​ເຢຍ​ລະ​ມັນ, ໂດຍ​ການ​ເປັນ​ປະ​ທານ​ຂອງ​ທ່ານ ຣ​ສ.ດ​ຣ. ພູ​ທອນ ເມືອງ​ປາກ ປະ​ທານ​ອົງ​ການ​ກາ​ແດງ​ລາວ, ທ່ານ ດ​ຣ. ທິມ ເບຼ (Tim Bray) ຜູ້​ຕາງ​ໜ້າ​ກາ​ແດງ​ເຢຍ​ລະ​ມັນ​ປະ​ຈຳ​ລາວ, ທ່ານ ຈຣີນ​ມາກ ທອມ (Jean Marc Thome) ຜູ້​ຕາງ​ໜ້າ​ກາ​ແດງ​ສະ​ວິດ ປະ​ຈຳ​ລາວ ພ້ອມ​ດ້ວຍ​ພະ​ນັກ​ງານ​ພະ​ແນກ​ການ​ທີ່​ກ່ຽວ​ຂ້ອງ​ເຂົ້າ​ຮ່ວ​ມ.
ໂຄງການດັ່ງ​ກ່າວ ໄດ້​ເລີ່ມ​ຈັດ​ຕັ້ງ​ປະ​ຕິ​ບັດ ນັບແຕ່ປີ 2007 ຫາປີ 2021 ແມ່ນໄດ້ຮັບຜົນເລັດຫລາຍດ້ານ, ທ່ານ ດ​ຣ. ທິມ ເບຼ (Tim Bray) ຜູ້​ຕາງ​ໜ້າ​ກາ​ແດງ​ເຢຍ​ລະ​ມັນ​ປະ​ຈຳ​ລາວ ກໍ່​ໄດ້​ກ່າວ​ວ່າ: ການຊ່ວຍເຫລືອຂອງລັດຖະບານ ເຢຍລະມັນ ໂດຍຜ່ານ ກາແດງເຢຍລະມັນ ແມ່ນ​ໄດ້​ເລີ່ມ​ຈັດ​ຕັ້ງ​ປະ​ຕິ​ບັດນັບແຕ່ ປີ 2007 ຈົນເຖີງປະຈຸບັນ ເຊີ່ງແບ່ງອອກເປັນ 3 ໄລຍະ ທີ່ຕິດຕໍ່ກັນ ໄລຍະ ທີ່ 1 , ແຕ່ປີ 2007 ຫາ ປີ 2014 ໃນງົບປະມານ 901,318 ເອີໂຣ, ໄລຍະທີ່ 2, ແຕ່ປີ 2015 ຫາ ປີ 2017 ໃນງົບປະມານ 990,760 ເອີໂຣ, ໄລຍະ ທີ່ 3 , ແຕ່ ປີ 2018 ຫາ ປີ 2021 ໃນງົບປະມານ 1,407,099 ເອີໂຣ, ລວມທັງຫມົດ ການຊ່ວຍເຫລືອສະຫນັບສະຫນູນ ໃນ 3 ໄລຍະແມ່ນ 3,299,177 ເອີໂຣ, ການຊ່ວຍເຫລືອດັ່ງກ່າວ ມີລັກສະນະຍາວນານ, ຕໍ່ເນື່ອງ, ມີຄວາມຈິງໃຈ ແລະ ມີປະສົບຜົນສໍາເລັດເປັນທີ່ຫນ້າເພີ່ງພໍໃຈ, ເຫັນໄດ້ ບັນດາຕົວຊີ້ວັດທີ່ຖືກກໍານົດໄວ້ແມ່ນບັນລຸຕາມຄາດຫມາຍທີ່ວາງໄວ້. ເຮັດໃຫ້ວຽກງານເລືອດຂອງ ສປປລາວ ຢູ່ໃນລະດັບ ສູນເລືອດແຫ່ງຊາດ, ສູນເລືອດແຂວງ 17 ແຂວງ ແລະ ຫນ່ວຍເກັບຮັກສາເລືອດຂັ້ນເມືອງ 30 ເມືອງ ໄດ້ຮັບການປັບປຸງ ໄດ້ມີຮັບການພັດທະນາໃຫ້ມີຄວາມເຂັ້ມແຂງ ທາງດ້ານວິຊາການ ໂດຍຜ່ານການອົບຮົມ ໃຫ້ຄວາມຮູ້ທາງດ້ານເຕັກນິກໃຫ້ຖືກຕາມຫລັກການຂອງອົງການອານາໄມໂລກ ແລະ ທັງມີຄວາມເຂັ້ມແຂງທາງດ້ານ ໂຄງຮ່າງພື້ນຖານ ອາຄານໃຫ້ແກ່ສູນເລືອດແຂວງ, ປະກອບອຸບປະກອນການແພດໃນທຸກລະດັບ, ປະກອບພາຫະນະລົດຕູ້ສໍາລັບອອກຮັບບໍລິຈາກເລືອດໃຫ້ແກ່ສູນເລືອດແຫ່ງຊາດແລະສູນເລືອດແຂວງ, ລົດຈັກສໍາລັບເຄື່ອນໄຫວວຽກງານໃຫ້ແກ່ຫນ່ວຍເກັບຮັກສາເລືອດຂັ້ນເມືອງ, ສ້າງລະບົບຕາຫນ່າງການບໍລິການໃຫ້ເປັນລະບົບນັບແຕ່ສູນກາງ ຫາ ຂັ້ນເມືອງ. ໃນຕະຫລອດໄລຍະ 15 ປີ ທີ່ຜ່ານມາ ເຫັນວ່າ ໄດ້ ມີຜູ້ໄດ້ຮັບຜົນປະໂຫຍດ ເຊີ່ງແມ່ນ ຄົນເຈັບຜູ້ໄດ້ຮັບເລືອດ ທີ່ໄດ້ຮັບການຊ່ວຍຊີວິດ ເປັນຈໍານວນຫລວງຫລາຍ ໃນໄລຍະ ປີ 2018, ສູນເລືອດແຫ່ງຊາດ, ບັນດາສູນເລືອດແຂວງ ແລະ ສູນເລືອດໂຮງໝໍເມືອງ 6 ເມືອງເປົ້າຫມາຍ ເຊັ່ນ: ເມືອງຮ້ຽມ, ເມືອງວຽງທອງ, ເມືອງຍົມມະລາດ,ເມືອງອາດສະພັງທອງ, ເມືອງຈໍາພອນ ແລະ ເມືອງປາກຊ່ອງ ແມ່ນໄດ້ເພີ່ມທະວີສ້າງຂີດຄວາມສາມາດ, ຝຶກອົບຮົມ ແລະ ສ້າງຄວາມເຂັ້ມແຂງໃຫ້ແກ່ຕົນເອງໃນການປະຕິບັດໜ້າທີ່ວຽກງານຂອງຕົນ ເພື່ອຮັບປະກັນການສະໜອງເລືອດປອດໄພ, ພຽງພໍ ແລະ ທັນເວລາໃຫ້ແກ່ຄົນເຈັບຜູ້ທີ່ຕ້ອງການໃສ່ເລືອດເຊິ່ງກຳລັງປິ່ນປົວຢູ່ຕາມໂຮງໝໍ ໄດ້ໃນລະດັບຫນື່ງ. ນອກນັ້ນ ຍັງໄດ້ກໍ່ສ້າງອາຄານສູນເລືອດແຂວງແລະສະຫນອງອຸບປະກອນການແພດອັນຈໍາເປັນ ເພື່ອໃຫ້ສູນເລືອດແຂວງຜົ້ງສາລີ, ແຂວງ ໄຊສົມບູນ ແລະແຂວງອັດຕະປື ແນໃສ່ໃຫ້ສາມາດເຄ່ືອນໄຫວໃຫ້ດີຂື້ນ ແລະ ຕອບສະຫນອງລົດຕູ້ອອກຮັບບໍລິຈາກເລືອດ 8 ຄັນ ໃຫ້ ສູນເລືອດແຫ່ງຊາດ 2ຄັນ ແລະ ສູນເລືອດແຂວງ ບໍລິຄໍາໄຊ, ວຽງຈັນ, ຜົ້ງສາລີ, ຊຽງຂວາງ, ຫົວພັນ, ຈໍາປາສັກ ເຊິ່ງ​ສະ​ແດງ​ອອກ​ໃຫ້​ເຫັນ ການຮັບບໍລິຈາກເລືອດໃນທົ່ວປະເທດເພີ່ມຂຶ້ນເຖິງ 45,735 ຖົງ ໃນປີ 2017, ມາເປັນ 49,070 ຖົງ ໃນປີ 2018, ແລະ 55,405 ຖົງ ໃນປີ 2019 ແລະ ເປົ້າຫມາຍໃຫ້ບັນລຸ 60,358 ຖົງ ໃນປີ 2020, 91%ຂອງການເຈາະເກັບເລືອດແມ່ນໄດ້ມາຈາກຜູ້ບໍລິຈາກເລືອດແບບສະ ໝັກໃຈບໍ່ຮຽກຮ້ອງສິ່ງຕອບແທນ ໃນປີ 2017, ແລະ 94% ໃນປີ 2018. ຄາດຫມາຍສູ້ຊົນ ປີ 2020 ແມ່ນ 83% (ຍ້ອນວ່າໃນປີ 2020 ມີຜົນກະທົບຂອງພະຍາດ COVID 19 ສັດສວ່ນຂອງຜູ້ບໍລິຈາກເລືອດແບບພີ່ນ້ອງທົດແທນຈື່ງເພີ້ມຂື້ນ) ແຕ່ສະເຫລ່ຍໃນ 3 ປີ ແມ່ນບັນລຸ ໂດຍ ຜູ້ບໍລິຈາກເລືອດແບບສະຫມັກໃຈກວມເອົາ 90%ຂອງຜູ້ບໍລິຈາກເລືອດທັງຫມົດ), ວຽກງານປຸກລະດົມບໍລິຈາກເລືອດແລະຕອບສະຫນອງເລືອດຂອງ ສປປລາວ ພວກເຮົາ ຍັງພົບກັບບັນຫາທ້າທາຍຫລາຍດ້ານ ເພື່ອຈະບັນລຸຕາມຕົວຊີ້ວັດຕ່າງໆທີ່ກໍານົດໄວ້, ໃນສະພາບທີ່ພະຍາດ ໂຄວິດ 19 ກຳລັງສືບຕໍ່ລະບາດ ແລະ ສະພາບເສດຖະກິດມີຜົນກະທົບ ກໍ່ແມ່ນຍີ່ງເຮັດໃຫ້ສົ່ງຜົນສະທ້ອນ ທາງລົບຕໍ່ວຽກເລືອດເລືອດກໍພວກເຮົາປະສົບຄວາມຫຍຸ້ງຍາກຂື້ນຕື່ມອີກ. ດັ່ງນັ້ນ ຈື່ງຂໍຮຽກຮ້ອງມາຍັງບັນດາທ່ານ, ໂດຍສະເພາະແມ່ນ ອົງການຈັດຕັ້ງສາກົນ, ການແດງເພື່ອນມິດ, ປະເທດເພື່ອນມິດ, ລວມທັງ ປະເທດສະຫະພັນເຢຍລະມັນ ຈົ່ງໄດ້ພິຈາລະນາ ໃຫ້ການຊ່ວຍເຫລືອພວກເຮົາໃຫ້ມີຄວາມເຂັ້ມແຂງຂື້ນຕື່ມ ແນໃສ່ ຮັບປະກັນ ໃນການຕອບສະຫນອງເລືອດ ທີ່ພຽງພໍ,ປອດໄພ ແລະ ທັນເວລາ ໃຫ້ແກ່ຄົນເຈັບທີ່ຕ້ອງການ ບໍ່ວ່າຈະຢູ່ໃນລະດັບສູນກາງ, ລະດັບແຂວງ ແລະ ລະດັບເມືອງ ໃນຂອບເຂດທົ່ວປະເທດ ເຊີ່ງເຫັນວ່າ ມີຄວາມຈໍາຄັນແລະຈໍາເປັນ, ຖ້າບໍ່ມີການຕອບສະຫນອງເລືອດທີ່ທ່ວງທັນໃນເວລາຄົນເຈັບຕ້ອງການແລ້ວ ບາງເທື່ອ ເຂົາເຈົ້າເຫລ່ານັ້ນ ກໍ່ອາດເສຍຊີວິດໄດ້
ໃນ​ພິ​ທີ​, ທ່ານ​ ຣ​ສ.ດ​ຣ. ພູ​ທອນ ເມືອງ​ປາກ ປະ​ທານ​ອົງ​ການ​ກາ​ແດງ​ລາວ ໄດ້ຕ່າງຫນ້າໃຫ້ອົງການກາແດງລາວ​ຍົກ​ໃຫ້​ເຫັນບົດບາດ ແລະ​ ຄວາມ​ສຳ​ຄັນ​ຂ​ອງ ວຽກງານປຸກລະດົມບໍລິຈາກເລືອດ ແລະ ຕອບສະຫນອງເລືອດທີ່ປອດໄພ ແມ່ນວຽກງານຫນື່ງທີ່ສຳຄັນທີ່ບັນຈຸໄວ້ໃນກົດຫມາຍອົງການກາແດງລາວ ຖືວ່າເປັນວຽກງານຫນື່ງທີ່ຂາດບໍ່ໄດ້ຢູ່ລະບົບການບໍລິການສາທາລະນະສຸກຢູ່ໃນແຕ່ລະປະເທດໃນທົ່ວໂລກ, ເປັນການຕອບສະຫນອງເລືອດເພື່ອຊ່ວຍກອບກູ້ເອົາຊີວິດຂອງຄົນເຈັບທີ່ຕ້ອງການເລືອດເຂົາໃນການປີ່ນປົວ ໂດຍການປຸກລະດົມການບໍລິຈາກເລືອດແບບສະຫມັກໃຈບໍ່ຮຽກຮ້ອງສີ່ງຕອບແທນ, ການຄັດເລືອກຜູ້ບໍລິຈາກເລືອດ, ການເຈາະເກັບເລືອດ,ການກວດວິເຄາະ,ການແຍກສ່ວນປະກອບຂອງເລືອດ,ເກັບຮັກສາເລືອດ-ສ່ວນປະກອບຂອງເລືອດໃນອຸນະພູມທີ່ເຫມາະສົມແລະການແຈກຈ່າຍເລືອດ ໃນຄົນເຈັບໃນໂຮງຫມໍຕ່າງໆໃນທົ່ວປະເທດ, ການຊ່ວຍເຫລືອສະຫນັບສະຫນູນຂອງການຈັດຕັ້ງສາກົນຕ່າງໆ ໃນວຽກງານເລືອດ ກໍ່ແມ່ນເຫັນວ່າເປັນສີ່ງທີ່ຈໍາເປັນໃນໄລຍະຜ່ານມາ, ໂດຍສະເພາະແມ່ນ ການຊ່ວຍເຫລືອຂອງລັດຖະບານ ແລ ະປະຊາຊົນເຢຍລະມັນ ໂດຍຜ່ານກາແດງເຢຍລະມັນ ຕໍໍ່ການພັດທະນາວຽກງານເລືອດຢູ່ ສປປລາວ ແມ່ນເຫັນວ່າ ສອດຄ່ອງກັບຄວາມຕ້ອງການຕົວຈິງ ແລະ ສອດຄ່ອງກັບແຜນພັດທະນາຂອງຊາດ ແລະ ແຜນພັດທະນາຂອງການບໍລິການທາງດ້ານສາທາລະນະສຸກ, ແຜນພັດທະນາວຽກງານກາແດງ.
ໃນ​ຕອນ​ທ້າຍ​ທ່ານ​ປະ​ທານ​ອົງ​ການ​ກາ​ແດງ​ລາວ ກໍ່​ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີນ​ຕໍ່​ອົງ​ການ ແລະ ພະ​ນັກ​ງານ​ອົງ​ການ​ກາ​ແດງ​ເຢຍ​ລະ​ມັນ​ທີ່​ໄດ້​ເອົາ​ໃຈ​ໃສ່​ສະ​ໜັບ​ສະ​ໜູນ ແລະ ໃຫ້​ການ​ຊ່ວຍ​ເຫຼືອ​ອົງ​ການ​ກາ​ແດງ​ລາວ​ໃນ​ໄລ​ຍະ​ຜ່ານ​ມາ ກໍ່​ຄື​ການ​ໃຫ້​ການ​ຊ່ວຍ​ເຫຼືອ​ປະ​ຊາ​ຊົນ ຖ້າບໍ່​ໄດ້​ຮັບ​ການ​ສະ​ໜັບ​ສະ​ໜູນ​ທຶນ​ຮອນ​ຄື​ດັ່ງ​ກ່າວ ວຽກ​ງານ​ເລືອດກໍ່​ຈ​ະ​ບໍ່​ປະ​ສົບ​ຜົນ​ສຳ​ເລັດ.
ພາບແລະຂ່າວ ສຸກສະຫວັນ ຈັນທະວົງ.
อาจเป็นรูปภาพของ 3 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 1 คน, กำลังยืน และข้อความพูดว่า "Consolidation of ”bod system in selected rural areas of Laos erview at end of project Gerian Red Cross"อาจเป็นรูปภาพของ 6 คน, ผู้คนกำลังยืน และสถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง และสถานที่ในร่มอาจเป็นรูปภาพของ หนึ่งคนขึ้นไป และผู้คนกำลังยืนอาจเป็นรูปภาพของ 2 คน, ผู้คนกำลังนั่ง และผู้คนกำลังยืนอาจเป็นรูปภาพของ 2 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง และสถานที่ในร่มอาจเป็นรูปภาพของ 1 คน, กำลังนั่ง, กำลังยืน และสถานที่ในร่มอาจเป็นรูปภาพของ 6 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง และผู้คนกำลังยืน