ອົງການກາແດງລາວ

CROIX ROUGE LAO

ໜຶ່ງປີອົງການກາແດງແຫ່ງຊາດລາວມີຜົນງານຫຼາຍດ້ານໃນການຊ່ວຍເຫຼືອປະຊາຊົນຜູ້ທຸກຍາກ.

ໃນວັນທີ28ມັງກອນ 2022 , ອົງການກາແດງແຫ່ງຊາດລາວໄດ້ ຈັດກອງປະຊຸມສະຫຼຸບວຽກງານກາແດງປະຈຳປີ2021 ແລະ ທິດທາງແຜນການປີ2022 ທົ່ວປະເທດຂຶ້ນ ທີ່ນະຄອນຫຼວງວຽງຈັນ ພາຍໃຕ້ການເປັນປະທານຂອງທ່ານ ຮຈ.ດຣ. ພູທອນ ເມືອງປາກ ປະທານອົງການກາແດງແຫ່ງຊາດລາວ, ໂດຍມີທ່ານອະອີດການນຳອົງການກາແດງລາວ ເຂົ້າຮ່ວມ, ອົງການກາແດງແຂວງ ຕະຫຼອດເຖິງພະນັກງານ, ອາສາສະໝັກ ອ້ອມຂ້າງສູນກາງ ແລະ ທົ່ວປະເທດ ເຂົ້າຮ່ວມໂດຍຜ່ານວີດີໂອຄອນເຟີເຣັນ.
ໃນກອງປະຊຸມ ທ່ານ ຮອງຈັນ ຈັນທະວົງ ຮອງຫົວໜ້າຫອງການອົງການກາແດງລາວ ໄດ້ຂຶ້ນລາຍງານ ການເຄື່ອນໄຫວການຈັດຕັ້ງປະຕິບັດວຽກງານການຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບ ຈາກໄພພິບັດຕ່າງໆ ແລະ ຕີລາຄາ ຄືນການຈັດຕັ້ງໃນໄລຍະ01ປີຜ່ານມາມີທັງຂໍສະດວກ ແລະ ຂໍຫຍຸ້ງຍາກໃນປີ 2021ແລະ ວາງແຜນການທິດທາງປີ 2022 ເພື່ອສືບຕໍ່ການເຄື່ອນໄຫວຊ່ວຍເຫຼືອປະຊາຊົນຜູ້ທຸກຍາກ ໃນເຂດຫ່າງໄກສອກຫຼີກ ໃນບາງຕອນທ່ານກ່າວວ່າ:
ອົງການກາແດງແຫ່ງຊາດລາວ ແມ່ນເປັນອົງການຈັດຕັ້ງທາງສັງຄົມຂອງ ສປປ ລາວ ທີ່ເຄື່ອນໄຫວວຽກງານມະນຸດສະທຳຢ່າງເປັນເອກະລາດພາຍໃຕ້ລັດທະທຳມະນູນແລະ ກົດໝາຍ , ໃນ 01 ປີຜ່ານມາ ອົງການກາແດງແຫ່ງຊາດລາວໄດ້ເຄື່ອນໄຫວເອົາໃຈໃສ່ຊ່ວຍເຫຼືອປະຊາຊົນຜູ້ທຸກຍາກ ຂາດເຂີນ ປະສົບໄພພິບັດຕ່າງໆເຊັ່ນ: ການແຜ່ລະບາດພະຍາດໂຄວິດ-19, ລົມພະຍຸແລະ ໄພນ້ຳຖ້ວມ, ການເຄື່ອນຍ້າຍແຮງງານລາວມາຈາກຕ່າງປະເທດ, ໃນການສະໜອງດ້ານ ດ້ານອາຫານ , ເຄື່ອງນຸ່ງຮົມ , ເຄື່ອງມືຮັບໃຊ້ ແລະ ອື່ນໆ ເພື່ອບັນເທົາທຸກໃຫ້ແກ່ປະຊາຊົນ, ເປັນຕົ້ນແມ່ນ ວຽກງານບັນເທົາທຸກ ໄດ້ໃຫ້ການຊ່ວຍປະຊາຊົນ ຜູ້ທຸກຍາກປະສົບໄພ 188,646ຄົນ, 1.331ບ້ານ , 436ເມືອງ ມູນຄ່າ 15,579,621,000 ກີບ; ວຽກງານລະດົມບໍລິຈາກເລືອດ ໄດ້ປຸກລະດົມຜູ້ບໍລິຈາກເລືອດຊ່ວຍເຫຼືອຄົນເຈັບທີ່ປີ່ນປົວຕາມໂຮງໝໍ ໄດ້ 55,486 ຖົງ ແລະ ໄດ້ແຈກຢາຍເລືອດສ່ວນປະກອບຂອງເລືອດທັງໝົດ 64,357 ຖົງມີປະຊາຊົນ 50,000 ຄົນໄດ້ຮັບຜົນປະໂຫຍດ; ວຽກງານສຸຂະພາບຂັ້ນພື້ນຖານ ໄດ້ຮັບວັກຊີນຊີໂນຟາມ ຈາກສະພາກາແດງຈີນ 100,000ໂດສ ແລະ ໄດ້ມອບໃຫ້ກະຊວງສາທາລະນະສຸກ ຈັດຕັ້ງປະຕິບັດ ນອກນັ້ນ ຍັງເອົາໃຈໃສສຸຂະພາບຂອງປະຊາຊົນ ໃນການສ້າງວິດຖ່າຍ, ສະໜອງນ້ຳສະອາດ ແລະ ໃນໄລຍະການແຜ່ລະບາດພະຍາດໂຄວິດ-19 ໄດ້ພົ່ນຢາຂ້າເຊື້ອ , ແຈກຢາຍອາຫານໃຫ້ແກ່ຜູ້ຕິດເຊື້ອໃນສູນຕ່າງໆໃນທົ່ວປະເທດເປັນມູນຄ່າ 17,278994303 ກີບ, ໄດ້ໃຫ້ການປະຖົມພະຍາບານ ປະຊາຊົນທັງໝົດ 1080 ຄົນ ,ກູ້ໄພສຸກເສີນ ໄດ້ໃຫ້ການຊ່ວຍເຫຼືອຜູ້ປະສົບອຸປະຕິເຫດ 1.993 ຄົນ , ນຳສົ່ງໂຮງໝໍ1.428ຄົນ, ວຽກງານໂຄສະນາຂົນຂວາຍແຫຼ່ງທຶນ ໄດ້ໂຄສະນາພາລະບົດບາດອົງການກາແດງລາວໃຫ້ສັງຄົມຮັບຮູ້ ແລະ ເຂົ້າໃຈ ໂດຍຜ່ານສື່ຕ່າງໆ ທາງວິທະຍຸ, ໂທລະພາບ ແລະ ສື່ອອນລາຍ ມີຜູ້ເຂົ້າຮ່ວມ 13.098ຄົນ, ວຽກງານຂົນຂວາຍແຫລ່ງທຶນ ການຊ່ວຍເຫຼືອປະກອບສ່ວນຈາກສັງຄັມໃນວຽກງານກາແດງເພີ້ມຂື້ນ 2,283,785,000ກີບ
ເດັ່ນກວ່າໝູ່ແມ່ນການຊ່ວຍເຫຼືອຜູ້ໄດ້ຮັບຜົນທົບຈາກການແຜ່ລະບາດຂອງພະຍາດໂຄວິດ-19ສາຍພັນໃຫມ່ເປັນຕົ້ນໄດ້ພົ່ນຢາຂ້າເຊື້ອ 1.479ຄັ້ງ , ໂຄສະນາໃຫ້ຄວາມຮູ້ການປ້ອງກັນ ພະຍາດໂຄວິດ 373 ຄັ້ງ ໃນ10ແຂວງ, ມີຜູ້ໄດ້ຮັບຜົນປະໂຫຍດ 835,649 ຄົນ ນອກນັ້ນ,ຍັງແຈກຢາຍອາຫານ, ເຄື່ອງສຸຂະອະນະໄມ ແລະ ອື່ນໆ
ກອງປະຊຸມໄດ້ຕົກເຫັນດີຮັບຮອງເອົາທິດທາງແຜນການສູ້ຊົນໃນປີ 2022 , ເປັນຕົ້ນແມ່ນ ການນຳພາແນວຄິດຂອງພະນັກງານ ລັດຖະກອນ, ອາສາສະໝັກ , ການປັບປຸງນິຕິກຳອົງການກາແດງ , ການປຸກລະດົມບໍລິຈາກເລືອດ ແລະ ການຊອກຫາແຫລ່ງທຶນ,
ກອງປະຊຸມຍັງໄດ້ສະເໜີແຜນຍຸດທະສາດ ຂອງອົງການກາແດງລາວແຕ່ປີ 2021-2030 ໄດ້ກຳນົດເອົາ03ເປົ້າໝາຍຍຸດທະສາດຄື:1 ຍົກສູງຄວາມສາມາດໃນການຕອບໂຕ້ໄພພິບັດ ແລະ ການຊ່ວຍເຫຼືອສຸກເສີນເບື້ອງຕົ້ນ; 2 ສົ່ງເສີມການເຂົ້າເຖິງບໍລິການສຸຂະພາບ,ເພື່ອຄຸນະພາບຊິວິດທີ່ດີ;3ພັດທະນາອົງການກາແດງໃຫ້ກາຍເປັນອົງການມະນຸສະທຳທີ່ເຂັ້ມແຂງແລະຍືນຍົງ ສາມາປະຕິບັດວຽກງານຢ່າງມີປະສິດຕິພາບປະສິດທິຜົນ;
ແລະ ແຜນພັດທະນາກາແດງ 5ປີ ຄັ້ງIVໄລຍະ2021-2025ໄດ້ກຳນົດເອົາ03ເປົ້າໝາຍໃຫຍ່ຕາມແຜນຍຸດຖະສາດກຳນົດໄວ້ ແລະ 05 ແຜນວຽກຈຸດສຸມ ແລະ 10 ແຜນງານ ເພື່ອພັດທະນາວຽກງານກາແດງ ໃຫ້ກ້າວໜ້າ ແລະ ທັນສະໄຫມ ແລະ ກາຍເປັນອົງການມະນຸດສະທຳທີ່ເຂັ້ມແຂງ.