ອົງການກາແດງລາວ

CROIX ROUGE LAO

​ການຫຼຸດ​ຜ່ອນ​ຄວາມ​ສ່ຽງ​ໄພ​ພິ​ບັດ ແລະ ຄວາມ​ປອດ​ໄພ​ໃນ​ໂຮງ​ຮຽ​ນ​

ຍົກລະດັບໃຫ້ແກ່ ຜູ້ນຳພາວຽກງານຊາວຫນຸ່ມໃນໂຮງຮຽນປອດໄພ. ໃນວັນທີ 20-23 ພະຈິກ 2018 ຂື້ນຢູ່ທີ່ ເມືອງປາກງື່ມ,ນະຄອນຫລວງວຽງຈັນ ໂດຍການເປັນກຽດເຂົ້າຮ່ວມ ທ່ານນາງ ໄອ່ຄຳ ສໍອິນໄຊ ຮອງຫົວຫນ້າກອງໂຄສະນາ ແລະ ຂົນຂວາຍການກຸສົນ, ທ່ານ ຂັນທີ ສີວິໄລ ຮອງເຈົ້າເມືອງ ເມືອງປາກງື່ມ ນະຄອນຫລວງວຽງຈັນ , ມີຜູ້ເຂົ້າຮ່ວມຈາກ ກາແດງເມືອງ 01 ທ່ານ;ຊາວໜຸ່ມເມືອງ 01 ທ່ານ; ມີຄູ ແລະ ນັກຮຽນ ຈາກ 05 ໂຮງຮຽນ(ມສ ສົມສະຫວາດ, ມສ ບ້ານໂດນ, ມສ ນາຊອນ,ມສ ໝາກນາວ ແລະ ມສ ດົງກະລຶມ. ຈຸດປະສົງແມ່ນ ເພື່ອ​ການຫຼຸດ​ຜ່ອນ​ຄວາມ​ສ່ຽງ​ໄພ​ພິ​ບັດ ແລະ ຄວາມ​ປອດ​ໄພ​ໃນ​ໂຮງ​ຮຽ​ນ​ໃຫ້​ແກ່​ນັກ​ຮຽນ​ຄູ-ອ​າ​ຈານ ແລະ ເພື່ອ​ເປັນ​​ການ​ປ່ຽນ​ແປງ​ທັດ​ສະ​ນະ , ການ​ປະ​ຕິ​ບັດ ແລະ ພຶດ​ຕິ​ກຳ​ຂອງ​ນັກ​ຮຽນ,ຄູ-ອາ​ຈານ ແລະ ພໍ່​ແມ່​ນັກ​ຮຽນ ກ່ຽວ​ກັບ​ຄວາມ​ປອດ​ໄພ​ໃນ​ໂຮງ​ຮຽນ ໂດຍ​ນຳ​ໃຊ້​ຊາວ​ໜຸ່ມ​ເປັນ​ຕົວ​ແທນ​ການ​ປ່ຽນ​ແປງ​ພຶດ​ຕິ​ກຳ ແລະ ຄວາມ​ຮູ້​ກ່ຽວ​ກັບ​ການຫຼຸດ​ຜ່ອນ​ຄວາມ​ສ່ຽງ​ໄພ​ພິ​ບັດ,ເພື່ອ​ເປັນ​ການ​ຂະ​ຫຍາຍ​ສະ​ມາ​ຊິກ​ຊາວ​ໜຸ່ມ​ກາ​ແດງ​ເພີ້ມຂຶ້ນໃນຖັນແຖວການສຶກສາ ​ດ້ວຍຄວາມ​ຮັບ​​ຮູ້ ​ວິ​ທີ​ການ​ເພື່ອ​ສອນ​ເພື່ອນ ແລະ ການນຳພາເຄື່ອນໄຫວວຽກງານນອກຫຼັກສູດ ຂອງຊາວ​ໜຸ່​ມ​ໃນ​ໂຮງ​ຮຽນ.
ໃນວັນທີ 12-16 ພະຈິກ 2018.ຜ່ານມາ ແມ່ນໄດ້ຈັດຂຶ້ນ ເມືອງສັງທອງ ນະຄອນຫຼວງວຽງຈັນ ເຂົ້າຮ່ວມ, ຊຸດຝຶກອົບຮົມນີ້ ມີຜູ້ເຂົ້າຮ່ວມຈາກ ກາແດງເມືອງ 01 ທ່ານ;ຊາວໜຸ່ມເມືອງ 01 ທ່ານ;ແຮງງານ ແລະ ສະຫວັດດີການເມືອງ 02 ທ່ານ; ມີຄູ ແລະ ນັກຮຽນ ຈາກ 05 ໂຮງຮຽນ(ມສ ປາກຕອນ, ມສ ສັງໄຊ, ມສ ນາທຽມ,ມສ ສີທອງ ແລະ ມສ ນ້ຳສັງ) ລວມຜູ້ເຂົ້າຝຶກອົບຮົມທັງໝົດ 25ທ່ານ, ຍິງ 11 ທ່ານ.