ອົງການກາແດງລາວ

CROIX ROUGE LAO

​ອົງ​ການ​ກາ​ແດງ​ລາວ ​ແລະ ສູນ​ຕ້ານ​ເອດແຫ່ງຊາດ ກະ​ຊວງ​ສາ​ທາ​ລະ​ນະ​ສຸກ ໄດ້​ມີ​ພິ​ທີ​ສະ​ເຫຼີມ​ສະຫຼອງວັນ​ຕ້ານ​ເອດ​ສາ​ກົນ​ຂຶ້ນ

ໂລກເອດສ ຍັງເປັນອັນຕະລາຍຕໍ່ມວນມະນຸດຖ້າທ່ານບໍມີສະຕິໃນ​ວັນ​ທີ 19 ທັນ​ວາ 2018 ​ອົງ​ການ​ກາ​ແດງ​ລາວ ​ແລະ ສູນ​ຕ້ານ​ເອດແຫ່ງຊາດ ກະ​ຊວງ​ສາ​ທາ​ລະ​ນະ​ສຸກ ໄດ້​ມີ​ພິ​ທີ​ສະ​ເຫຼີມ​ສະຫຼອງວັນ​ຕ້ານ​ເອດ​ສາ​ກົນ​ຂຶ້ນ ຢູ່​ທີ່​ສະ​ໂມ​ສອນ​ມະ​ຫາ​ວິ​ທະ​ຍາ​ໄລແຫ່ງ​ຊາດ ດົງໂດກ, ​ໃຕ້​ຄຳ​ຂວັນ “ເພື່ອ​ຊີ​ວິດ​ທີ່​ຍືນ​ຍາວ ແລະ ຮູ້​ສະ​ຖາ​ນະ​ພາບ​ຕົນ​ເອງກວດ​ຫາ​ເຊື້ອ HIV”
ໃນ​ທຸກໆ​ວັນ​ທີ 1 ທັນ​ວາ​ຂອງ​ທຸກ​ປີ​ ​ທົ່ວ​ໂລກ​ພ້ອມ​ພາ​ກັນ​ຈັດ​ຕັ້ງ​ຂະ​ບ​ວນ​ການ ວັນ​ສາ​ກົນ​ຕ້ານ​ເອ​ສ໌​ຂຶ້ນ ແລະຢູ່ທີ່ ສ​ປ​ປ​ລາວ ​ເຮົາ​ກໍ​ໄດ້ຈັດ​ ​ພິ​ທີ​ສະ​ເຫຼີມ​ສະຫຼອງວັນ​ຕ້ານ​ເອດ​ສາ​ກົນ ​ຂຶ້ນ ຢູ່​ທີ່​ສະ​ໂມ​ສອນ​ມະ​ຫາ​ວິ​ທະ​ຍາ​ໄລແຫ່ງ​ຊາດ ດົງໂດກ ໂດຍແມ່ນອົງ​ການ​ກາ​ແດງ​ລາວ ​ແລະ ສູນ​ຕ້ານ​ເອດແຫ່ງຊາດ ກະ​ຊວງ​ສາ​ທາ​ລະ​ນະ​ສຸກ ໄດ້ຈັດຕັ້ງສະເຫຼີມສະຫຼອງວັນຕ້ານເອດສ ສາກົນຂຶ້ນ, ໂດຍ​ການ​ເຂົ້າ​ຮ່ວມ​ຂອງ​ທ່ານ ຄອນ​ສະ​ຫວັນ ຈັນ​ທະ​ຄາມ ຫົວ​ໜ້າ​ຫ້ອງ​ການ​ອົງ​ການ​ກາ​ແດງ​ລາວ, ມີ​ບັນ​ດາ​ທ່ານ​ຈາກ​ກະ​ຊວງ​ສາ​ທາ​ລະ​ນະ​ສຸກ, ​ອົງ​ການ​ຈັດ​ຕັ້ງ​ມະ​ຫາ​ຊົນ, ຄູ-ອາ​ຈານ ແລະ ນ້ອງ​ນັກ​ຮຽນ​ນັກ​ສຶກ​ສາ​ຈາກ​ມະ​ຫາ​ວິ​ທະ​ຍາ​ໄລ​ແຫ່ງ​ຊາດ ແລະ ໂຮງ​ຮຽນ​ອ້ອມ​ຂ້າງ​ເຂົ້າ​ຮ່ວມ​ຢ່າງຫຼວງຫຼາຍ;
ການສະ​ເຫຼີມ​ສະຫຼອງວັນ​ຕ້ານ​ເອດ​ສາ​ກົນ​ຂຶ້ນໃນຄັ້ງນີ້ ​ຄວາມ​ໝາຍ, ຄວາມ​ສຳ​ຄັນ ແລະ ຮູ້​ເຖິງ​ຄວາມ​ອັນ​ຕະ​ລາຍ​ຂອງ​ເຊື້ອ​ຈຸ​ລະ​ໂລກ ເອ​ຮ​ສ໌​ໄອ​ວີ ມາ​ຮອດ​ປະ​ຈຸ​ບັນ​ຍັງ​ບໍ່​ທັນ​ມີ​ຢາ​ປິ່ນ​ປົວ​ໃຫ້​ຫາຍ​ຂາດ​ໄດ້​ ​ໃນ​ພິ​ທີບາງຕອນ ທ່ານ ດ​ຣ ນາງ ບົວ​ທອງໄດ້ກ່າວວ່າ: ​ສ ປ​ປ ລາວ ມີ​ຜູ້​ທີ່​ຕິດ​ເຊື້ອ​ພະ​ຍາດ​ເອດ​ 12.000 ຄົນ ແລະ ມີ​ຜູ້​ເສຍ​ຊີ​ວິດ​ແລ້ວ ແຂວງ​ທີ່​ມີ​ຜູ້​ຕິດ​ເຊື້ອຫຼາຍ​ກ່​ອນ​ໝູ່​ແມ່ນ ນະ​ຄອນຫຼວງວຽງ​ຈັນ, ສະ​ຫວັນ​ນະ​ເຂດ, ຈຳ​ປາ​ສັກ, ວຽງ​ຈັນ, ຄຳ​ມ່ວນ​ ແລະ ແຂວງ​ອື່ນໆ ສຳ​ລັບ​ກຸ່ມ​ທີ່​ມີ​ຄວາມ​ສ່ຽງຫຼາຍ​ທີ່​ສຸດ​ແມ່ນ ກຸ່ມ​ຊາຍ​ທີ່​ມີ​ເພດ​ສຳ​ພັນ​ກັບ​ຊາຍ, ກຸ່ມ​ສາວ​ຂາຍ​ບໍ​ລິ​ການ ແລະ ກຸ່ມ​ຜູ້​ໃຊ້​ເຂັມ​ສັກ​ຢາ​ເສບ​ຕິດ. ສຳ​ລັບ​ສູນ​ປິ່ນ​ປົວ​ຢູ່ ສ​ປ​ປ ລາວ ແມ່ນ​ມີ​ທັງ​ໝົດ 11 ແຫ່ງ ໃນ​ນັ້ນ ນະ​ຄອນຫຼວງວຽງ​ຈັນ​ມີ 3 ແຫ່ງ, ບໍ່​ແກ້ວ 2 ແຫ່ງ , ຫົວ​ພັນ, ຫຼວງ​ນ້ຳ​ທາ, ຫຼວງ​ພະ​ບາງ, ຄຳ​ມ່ວນ, ສະ​ຫວັນ​ນະ​ເຂດ ແລະ ຈຳ​ປາ​ສັກ ແຂວງ​ລະ​ແຫ່ງ
ໃນນັ້ນ​ຜູ້​ຕິດ​ເຊື້ອ​ທັງ​ໝົດ​ມີ​ປະ​ມານ 75 – 77% ທີ່​ສາ​ມາດ​ເຂົ້າ​ເຖິງ​ການກວດ​ເລືອດ ແລະ ​ອີກ​ປະ​ມານ 47 – 48% ຂອງ​ຜູ້​ຕິດ​ເຊື້ອ​ ​ທີ່​ເຂົ້າ​ເຖິງ​ການ​ປິ່ນ​ປົວ​ດ້ວຍ​ຢາ​ຕ້ານ (ARV) ເຊິ່ງ​ເປັນ​ຕົວ​ເລກ​ທີ່​ຕ່ຳຫຼາຍ , ສາ​ເຫດ​ທີ່​ເຮັດ​ໃຫ້​ຜູ້​ຕິດ​ເຊື້ອ​ພະ​ຍາດ​ເອ​ສ໌​ເຂົ້າ​ເຖິງ​ການ​ບໍ​ລິ​ການ​ປິ່ນ​ປົວ​ໄດ້​ໜ້ອຍ ເຊິ່ງ​ມີ 3 ສາ​ເຫດຫຼັກ​ຄື: ຜູ້​ຕິດ​ເຊື້ອ​ສ່ວນຫຼາຍບໍ່​ຮູ້​ວ່າ​ຕົນ​ເອງ​ຕິດ​ເຊື້ອ, ເມື່ອ​ເຈັບ​ປ່ວຍ​ໄດ້​ດົນ​ແລ້ວ​ຈຶ່ງ​ເຂົ້າ​ມາ​ຮັບ​ການ​ປິ່ນ​ປົວ​ຢູ່​ໂຮງ​ໝໍ, ກ​ານ​ເຂົ້າ​ເຖິງ​ການ​ບໍ​ລິ​ການ​ປິ່ນ​ປົວ​ຫຍຸ້ງ​ຍາກ ຍ້ອນ​ອາ​ໄສ​ຢູ່​ເຂດ​ຫ່າງ​ໄກ ແລະ ທຸກ​ຍາກ ເຮັດ​ໃຫ້​ຂາດ​ງົບ​ປະ​ມານ​ໃຊ້​ຈ່າຍ​ໃນ​ການ​ເດີນ​ທາງ​ມາ​ຮັບ​ເອົາ​ຢາ​ປິ່ນ​ປົວ​ຢູ່​ຕາມ​ສູນ​ບໍ​ລິ​ການຕ່າງໆ ລວມ​ເຖິງ​ການ​ຖືກ​ຈຳ​ແນກ​ລັງ​ກຽດ​ຂອງ​ຜູ້​ຕິດ​ເຊື້ອ​ເອ​ສ໌​ຈາກ​ຄົນ​ໃນ​ສັງ​ຄົມ.