ອົງການກາແດງລາວ

CROIX ROUGE LAO

4 ບໍລິສັດ ມອບເງິນ 200 ລ້ານກວ່າກີບ ຊ່ວຍຜູ້ປະສົບໄພນ້ຳຖ້ວມ

ຂປລ. ໃນວັນທີ 16 ກັນຍາ 2019 ທີ່ນະຄອນຫລວງວຽງຈັນ, ບັນດາບໍລິສັດຕ່າງໆ ໄດ້ມອບເງິນຈຳນວນ 210 ລ້ານກີບ ໃຫ້ອົງການກາແດງລາວ ເພື່ອນຳໄປຊ່ວຍເຫລືອຜູ້ປະສົບໄພນ້ຳຖ້ວມຢູ່ບັນດາແຂວງພາກກາງ ແລະ ພາກໃຕ້ຂອງລາວ.
ເງິນຈຳນວນດັ່ງກ່າວປະກອບມີ: ກຸ່ມບໍລິສັດ ກໍ່ສ້າງ-ລົງທຶນ ແລະ ຖືຫຸ້ນ ແຂວງຢຸນນານ ຈຳກັດ ຈຳນວນ 50 ລ້ານກີບ, ບໍລິສັດ ກຸ່ມນະຄອນຊັບ ຈຳກັດ ຜູ້ດຽວ ຈຳນວນ 50 ລ້ານກີບ, ບໍລິສັດ ຊາວອີສ ເອເຊຍ ທາວເວີ ຈຳກັດ ຈຳນວນ 50 ລ້ານກີບ ແລະ ບໍລິສັດ ລົງທຶນ ພັດທະນາລາວ ຈຳນວນ 60 ລ້ານກີບ, ຊຶ່ງຕາງໜ້າກ່າວຮັບໂດຍ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ.